Համբարձումյան, Անի Արտակի

Գրականություն

Այս աշխատությունը վերաբերում է Կոմեդիա դել արտեի (commedia dell’arte) ավանդույթի վերաիմաստավորմանը XX դարի իտալական դրամատուրգիայում՝ ընդգծելով թատերական ավանդույթի, մոդեռնիստական որոնումների և ժամանակակից բեմարվեստի փոխկապակցվածությունը։ Հետազոտության հիմնական նպատակն է վերլուծել, թե ինչպես են XX դարի իտալացի դրամատուրգները վերակենդանացրել և նոր մեկնաբանությամբ կիրառել Կոմեդիա դել արտեի կերպարային համակարգը, իմպրովիզացիոն կառուցվածքը և կատակերգական արտահայտչամիջոցները ժամանակակից թատերական լեզվում։ Ուսումնասիրվում են ավանդական դիմակավորված կերպարների՝ Արլեքինո, Պանտալոնե, Կոլումբինա և այլ կերպարների վերափոխված տարբերակները, ինչպես նաև դրանց գործառույթը մոդեռնիստական և հետպատերազմյան իտալական թատրոնում։ Հատուկ ուշադրություն է դարձվում այն դրամատուրգների ստեղծագործություններին, որոնք փորձել են համադրել ժողովրդական թատերական ավանդույթները հոգեբանական դրամայի, սոցիալական քննադատության և աբսուրդի թատրոնի տարրերի հետ։