Հակոբյան, Ռուզաննա Խաչիկի
1972 թ․
Ռուզաննա Խաչիկի Հակոբյանը (ծնվ. 1972) հայ իրավաբան է, իրավաբանական գիտությունների դոկտոր (2012)։ Ծնվել է Կամոյում, 1993 թվականին գերազանցության դիպլոմով ավարտել է Երևանի պետական համալսարանի իրավաբանական ֆակուլտետը։ 2003-2006 թվականներին եղել է Ռուս-հայկական (Սլավոնական) համալսարանի իրավաբանական ֆակուլտետի դեկան, իսկ 2006 թվականին ընտրվել է Գավառի պետական համալսարանի ռեկտոր և 2011 թվականին վերընտրվել այդ պաշտոնում։ Հեղինակ է երկու մենագրության և շուրջ 60 գիտական հոդվածի։ ԷԼԻԲ-ում ներկայացված են նրա աշխատությունները Հայաստանի Հանրապետությունում սահմանադրական պատասխանատվության և կազմակերպված հանցավորության դեմ պայքարի քրեաբանական հիմնահարցերի մասին։
