Кучук-Иоаннесов, Христофор Иванович, 1852-1919 или 1923
Խրիստոֆոր Կուչուկ-Իոաննեսովը (հայկական աղբյուրներում՝ Խ. Քուչուկ-Հովհաննիսյան) հայ պատմաբան, հնագետ, լեզվաբան և վիմագրագետ էր, ծնվել է 1852 թվականին Խերսոնի նահանգի Գրիգորիոպոլ քաղաքում։ Ավարտել է Լազարյան ճեմարանը և Պետերբուրգի համալսարանի արևելյան լեզուների ֆակուլտետը, 1883 թվականից Լազարյան ճեմարանում դասավանդել է գրաբար և հայ հին գրականություն, եղել է նաև ճեմարանի գրադարանավարը։ Ղրիմում, Ուկրաինայում և կայսրության այլ նահանգներում հավաքել է ավելի քան 150 հին հայերեն արձանագրություն, ուսումնասիրել է այնտեղ պահպանված հայկական ձեռագրերը։ Հրատարակել է ավելի քան 70 աշխատություն, կազմել է հայերեն-ռուսերեն բառարան։ ELIB-ում ներկայացված նրա աշխատությունները նվիրված են Ղրիմի հայկական արձանագրություններին, Հովհաննես Չմշկիկ կայսեր՝ Աշոտ Գ թագավորին ուղղած նամակին և եկեղեցական գրականությանը։
