Шагинян, Мариэтта Сергеевна, 1888-1982
1888 թ․ – 1982 թ․
Մարիետա Շահինյանը (1888-1982) հայազգի ռուս խորհրդային գրող, հրապարակախոս, թարգմանիչ և բանասեր էր, ծնվել և մահացել է Մոսկվայում։ Բանասիրական գիտությունների դոկտոր էր և Հայկական ԽՍՀ գիտությունների ակադեմիայի թղթակից անդամ։ Նրա հայտնի գործերից են «Մես-Մենդ» արկածային վեպը (1924) և Ձորագետի հիդրոկայանի կառուցմանը նվիրված «Հիդրոցենտրալ» վեպը (1931)։ «Ճանապարհորդություն Սովետական Հայաստանում» (1950) գրքի համար արժանացել է Ստալինյան, իսկ Ուլյանովների ընտանիքի մասին վեպերի համար՝ Լենինյան մրցանակի (1972)։ Գրել է Խաչատուր Աբովյանի, Հովհաննես Թումանյանի և այլ հայ գործիչների մասին, ռուսերեն է թարգմանել Ավետիք Իսահակյանի և այլ հայ բանաստեղծների գործերը։ ELIB-ում հասանելի են Հայաստանին նվիրված նրա ռուսերեն գրքերը։
