Garō, Armēn, 1872-1923
1872 թ․ – 1923 թ․
Արմեն Գարոն (իսկական անունը՝ Գարեգին Փաստրմաճյան, 1872-1923) հայ ազգային-ազատագրական շարժման գործիչ և Հայ հեղափոխական դաշնակցության ղեկավարներից էր, ծնվել է Կարինում (Էրզրում), մահացել Ժնևում։ Ավարտել է Կարինի Սանասարյան վարժարանը, սովորել է Ֆրանսիայի Նանսի քաղաքում, իսկ 1900 թվականին Ժնևի համալսարանում ստացել է դոկտորի աստիճան քիմիայի բնագավառում։ 1896 թվականին Բաբկեն Սյունու հետ կազմակերպել է Կոստանդնուպոլսի Օսմանյան բանկի գրավումը, 1908 թվականին Կարինից ընտրվել է օսմանյան խորհրդարանի պատգամավոր, Առաջին համաշխարհային պատերազմի տարիներին մասնակցել է հայ կամավորական շարժմանը։ Եղել է Հայաստանի Առաջին Հանրապետության դեսպանը Միացյալ Նահանգներում։ ELIB-ում ներկայացված են 1919 թվականին լույս տեսած նրա անգլալեզու գրքերը՝ Հայաստանի ազատության և անկախության պահանջների և պատերազմում Հայաստանի դերի մասին։
