Марр, Николай Яковлевич, 1864-1934
1864 թ․ – 1934 թ․
Նիկողայոս Մառը (1864-1934) վրացի և ռուս արևելագետ, կովկասագետ, լեզվաբան և հնագետ էր, ծնվել է Քութայիսում։ 1888 թվականին ավարտել է Սանկտ Պետերբուրգի համալսարանի արևելյան լեզուների ֆակուլտետը, 1912 թվականից Կայսերական գիտությունների ակադեմիայի ակադեմիկոս էր։ Երկար տարիներ ղեկավարել է Անիի պեղումները, հրատարակել հին հայերեն և վրացերեն բազմաթիվ բնագրեր ու արձանագրություններ։ 1920-ական թվականներին առաջ է քաշել լեզվի ծագման «հաբեթական տեսությունը», որն այսօր համարվում է կեղծ գիտական։ ELIB-ում ներկայացված նրա աշխատություններն անդրադառնում են հայ բանասիրությանը, Հայաստանի հնություններին և ուրարտական սեպագիր արձանագրություններին։
