Խաչատրյան, Աննա Սարգսի
1977 թ․
Աննա Սարգսի Խաչատրյանը (ծնվ. 1977) հայ բժիշկ-մորֆոլոգ և ախտաբան է, բժշկական գիտությունների դոկտոր (2013), պրոֆեսոր։ Ծնվել է Երևանում, 2000 թվականին գերազանցությամբ ավարտել է Երևանի պետական բժշկական ինստիտուտը։ 2004 թվականից աշխատում է Երևանի Մխիթար Հերացու անվան պետական բժշկական համալսարանի ախտաբանական անատոմիայի և կլինիկական մորֆոլոգիայի ամբիոնում, իսկ 2013 թվականից ղեկավարում է Վլադիմիր Ավագյանի անվան բժշկական կենտրոնի պաթոմորֆոլոգիական բաժանմունքը։ Հեղինակ է 52 գիտական հոդվածի։ ԷԼԻԲ-ում ներկայացված են նրա ռուսերեն աշխատությունները Հայաստանում էխինոկոկոզի ախտաձևաբանական բնութագրի և վահանաձև գեղձի քաղցկեղի ախտորոշման մասին։
