Թովմասյան, Հրանուշ Ժորայի
1982 թ․
Հրանուշ Ժորայի Թովմասյանը (ծնվ. 1982) հայ լեզվաբան և թարգմանիչ է, բանասիրական գիտությունների դոկտոր, պրոֆեսոր (2022)։ Ծնվել է Երևանում, 2004 թվականին գերազանցությամբ ավարտել է Երևանի Վ. Բրյուսովի անվան պետական լեզվաբանական համալսարանի ռոմանագերմանական լեզուների ֆակուլտետը։ Դասավանդել է նույն համալսարանում, 2010-2013 թվականներին եղել է անգլերենի հնչյունաբանության և քերականության ամբիոնի վարիչ։ 2007 թվականին պաշտպանել է թեկնածուական, իսկ 2018 թվականին ՀՀ ԳԱԱ Հր. Աճառյանի անվան լեզվի ինստիտուտում՝ դոկտորական ատենախոսություն կանխենթադրույթի՝ որպես տեքստի կապակցման միջոցի մասին։ ԷԼԻԲ-ում ներկայացված են կանխենթադրույթի տեսություններին նվիրված նրա աշխատությունները։
