Առաքելյան, Արա Հրաչիկի
1948 թ․
Արա Առաքելյանը (ծնվել է 1948 թ.) հայ թարգմանիչ և գրականագետ է, բանասիրական գիտությունների դոկտոր (2013), պրոֆեսոր (2017)։ Ծնվել է Գեղարքունիքի մարզի Զովաբեր գյուղում, 1971 թվականին ավարտել է Երևանի պետական համալսարանի հայ բանասիրության ֆակուլտետը։ Դասավանդել է դպրոցներում, իսկ 1982-2000 թվականներին տարբեր պաշտոններ է վարել Սևանի շրջանային գործադիր կոմիտեում և Գեղարքունիքի մարզպետարանում։ Նրա թարգմանությամբ հրատարակվել են «Նիբելունգների երգը», ինչպես նաև Գյոթեի, Հայնեի, Շիլլերի, Կաֆկայի, Հեսսեի, Թոմաս Մանի և գերմանալեզու այլ հեղինակների երկեր։ ELIB-ում ներկայացված են նրա աշխատությունները Ֆրանց Կաֆկայի «Օրագրերի» և Թոմաս Մանի վեպերում XX դարի առաջին կեսի գերմանական փիլիսոփայական վեպի մասին։
