Բոբոխյան, Արսեն Ալեքսանդրի
1975 թ․
Արսեն Բոբոխյանը (ծնվ. 1975) հայ պատմաբան, հնագետ և մշակութաբան է, ՀՀ ԳԱԱ հնագիտության և ազգագրության ինստիտուտի տնօրենը։ Ծնվել է Երևանում, ավարտել է Երևանի պետական համալսարանի պատմության ֆակուլտետը, ուսումը շարունակել է Մյունխենի և Թյուբինգենի համալսարաններում։ 2000 թվականին պաշտպանել է թեկնածուական ատենախոսություն Ծոփքի մասին, 2006 թվականին Թյուբինգենում ստացել է փիլիսոփայության դոկտորի, իսկ 2025 թվականին՝ պատմական գիտությունների դոկտորի աստիճան։ Զբաղվում է Առաջավոր Ասիայի և Հայկական լեռնաշխարհի բրոնզի ու երկաթի դարերի հնագիտությամբ, հին հասարակությունների մշակութային կապերով, փոխանակության և կշռային համակարգերով։ Կովկասի և Տավրոսի միջև ընկած լեռնաշխարհում հաղորդակցությանն ու փոխանակությանը նվիրված նրա երկհատոր մենագրությունը լույս է տեսել Օքսֆորդում 2008 թվականին։ Նա ուսումնասիրել է նաև «վիշապ» քարակոթողները և դրանց հնագիտական համատեքստը։
