Патканов, Керопе Петрович, 1833-1889
1833 թ․ – 1889 թ․
Քերովբե Պատկանյանը (1833-1889) հայ արևելագետ, լեզվաբան և պատմաբան էր, ծնվել է Նոր Նախիջևանում։ Ավարտել է Մոսկվայի Լազարյան ճեմարանը և Պետերբուրգի գլխավոր մանկավարժական ինստիտուտը, 1861 թվականից գլխավորել է Պետերբուրգի համալսարանի արևելյան լեզուների ամբիոնը, որտեղ ձևավորվեց հայագիտության պետերբուրգյան դպրոցը։ 1864 թվականին հայոց լեզվի կազմության վերաբերյալ աշխատության համար ստացել է դոկտորի աստիճան։ Առաջին անգամ հրատարակել է Գրիգոր Ակներցու և Մխիթար Անեցու երկերը, ռուսերեն է թարգմանել Սեբեոսի, Ղևոնդի, Թովմա Արծրունու և այլ պատմիչների գործերը, ուսումնասիրել ուրարտական սեպագիր արձանագրությունները։ ELIB-ում ներկայացված նրա աշխատությունները նվիրված են հայոց լեզվի կազմությանը, հնդեվրոպական լեզուների շարքում նրա տեղին և հայկական դիցաբանությանը։
