Cirbied, Jacques Chahan de, 1772-1834
Հակոբ Շահան Ջրպետյանը (ֆրանսերեն՝ Jacques Chahan de Cirbied) հայ լեզվաբան և հայագետ էր, ծնվել է 1772 թվականին Ուռհայում (Եդեսիա)։ 1798 թվականին Նապոլեոն Բոնապարտի հրավերով հաստատվել է Ֆրանսիայում և Փարիզի Արևելյան կենդանի լեզուների դպրոցում դասավանդել հայոց լեզու՝ դառնալով այնտեղ հայագիտության համալսարանական ուսուցման հիմնադիրը։ Նրա աշխատություններից են հայոց լեզվի քերականությունը, Դիոնիսիոս Թրակացու քերականության ուսումնասիրությունը, Մատթեոս Ուռհայեցու «Պատմության» հատվածների և Ներսես Շնորհալու «Ողբ Եդեսիոյ»-ի հրատարակությունները։ Կյանքի վերջին տարիներին տեղափոխվել է Թիֆլիս, դասավանդել Ներսիսյան դպրոցում, ապա ղեկավարել իր հիմնած մասնավոր դպրոցը։ ELIB-ում հասանելի են հին Հայաստանի պատմությանը, կառավարմանն ու կրոնին նվիրված նրա ֆրանսերեն աշխատությունները։
