Պետրոսյան, Արմեն Եղիշեի
1948 թ․
Արմեն Պետրոսյանը (ծնվ. 1948) հայ բանասեր և հայագետ է, բանասիրական գիտությունների դոկտոր (2000)։ Ծնվել է Երևանում, գրականագետ Եղիշե Պետրոսյանի որդին է։ 1988 թվականից աշխատում է ՀՀ ԳԱԱ հնագիտության և ազգագրության ինստիտուտում, 2006 թվականին Արամ Քոսյանի և Երվանդ Գրեկյանի հետ հիմնադրել է «Aramazd: Armenian Journal of Near Eastern Studies» հանդեսը։ Ուսումնասիրում է հայոց և հարևան ժողովուրդների հին առասպելները, նախաքրիստոնեական կրոնը և էպոսը, ինչպես նաև հայոց ազգածագման ու հնագույն պատմության հարցերը, առաջ է քաշել հայոց ազգածագման էթիունյան վարկածը։ Նրա գրքերից է «Արամի առասպելը հնդեվրոպական առասպելաբանության համատեքստում և հայոց ազգածագման խնդիրը» (1997) աշխատությունը։
