Շմավոնյան, Գագիկ Շմավոնի
1963 թ․
Գագիկ Շմավոնյանը (ծնվ. 1963) հայ ֆիզիկոս և ինժեներ է, տեխնիկական գիտությունների դոկտոր, Հայաստանի ազգային պոլիտեխնիկական համալսարանի պրոֆեսոր, ծնվել է Երևանում։ 1985 թվականին ավարտել է Երևանի պոլիտեխնիկական ինստիտուտը, 1996 թվականին ստացել է ֆիզիկամաթեմատիկական գիտությունների թեկնածուի, իսկ 2009 թվականին՝ տեխնիկական գիտությունների դոկտորի աստիճան։ 2004 թվականին համալսարանում հիմնել է նանոտեխնոլոգիաների լաբորատորիա։ Զբաղվում է գրաֆենի և այլ երկչափ նյութերի ստացման ու կիրառման հետազոտություններով, գրաֆենի ստացման իր մեթոդն արտոնագրել է Իսպանիայում և ԱՄՆ-ում։ ELIB-ում ներկայացված են կիսահաղորդիչների և կիսահաղորդչային նանոկառուցվածքային օպտոէլեկտրոնային սարքերի վերաբերյալ նրա աշխատանքները։
