Վարդանյան, Թրահել Գերասիմի
1960 թ․
Թրահել Վարդանյանը (ծնվ. 1960) հայ աշխարհագրագետ է, աշխարհագրական գիտությունների դոկտոր, պրոֆեսոր։ Ծնվել է Մարտունու շրջանի Վերին Գետաշեն գյուղում, 1987 թվականին ավարտել է Երևանի պետական համալսարանի աշխարհագրության ֆակուլտետը։ Եղել է ԵՊՀ ֆիզիկական աշխարհագրության և ջրաօդերևութաբանության ամբիոնի վարիչ և Հայաստանի աշխարհագրական ընկերության փոխնախագահ, 2004 թվականից Միջազգային աշխարհագրական միության ջրաբանական հանձնաժողովի անդամ է։ ELIB-ում ներկայացված են նրա թեկնածուական (1995) և դոկտորական (2013) ատենախոսությունները՝ Հայաստանի գետերի նվազագույն հոսքի, ինչպես նաև կլիմայի գլոբալ փոփոխության պայմաններում գետերի հոսքի տատանումների և կանխատեսման մասին։
